Ich Hawt van Zitterd 24 meert 2020 – vanwaege Corona verplaatsj nao 25 juni

Op daensdigaovend 24 meert zou de 8e editie van oze kènnisquiz ‘Ich Hawt van Zitterd’ plaatsjvènje. Deilnummesj op deze aovend ware de lede van Club Kump Gout en de lede van CV ’N Bietje Wiejer. Vanwaege de Corona crisis wurt dees editie oetgesjtèld nao 25 juni e.k.

In de quiz waere de deilnummesj aan de tandj gevuild veur waat betruf hun parate kènnis van de historie van hun sjtad, häör inwonesj, häöre meziek en ein aantal anger Zittesje bezunjerhede. Natuurlik zulle de deilnummesj ouch veur waat betruf hun kènnis van ’t Zittesj, op de prouf gesjtèld waere.

De quiz wurt ingehaold en vindj op 25 juni plaatsj in Tapperie De Gats oppe Mert en zal aanvange óm 20.00 oere. Veer höbbe weier ein 100-tal vraoge veur hun vaerdig ligke.

Jederein is van harte wilkóm óm deze óngetwiefeld boeiende en leerzame ‘clash’ tösje dees twee vereiniginge mit te make. De entree is vrie.

 

Vereiniginge die ’t aandurve óm in toekómstige edities deil te numme aan de kwis kènne zich aanmeldje via: veldekezitterd@gmail.com

Geef een reactie

Het e-mailadres wordt niet gepubliceerd. Vereiste velden zijn gemarkeerd met *