046 Sjrif

Home / Jaorprogram / 046 Sjrif

In ‘t naojaor van 2017 verschient de 1e editie van ós nuuj publicatie 046 Sjrif, eine bundel mit werk van dialectsjrievesj oet ós gemeinte Zitterd-Gelaen-Bor.

Veur dees eesjte editie höbbe veer es thema ‘Vandaag d’n daag’ gekaoze. Redactäör van dees oetgaaf is burgemeister Sjraar Cox. Hae zal ein selectie make oet ‘t ingezónje werk en de inleiding verzörge.

Dialectsjrievesj die wone of gebaore zeen in de gemeinte, kènne uterlik pès 1 juli werk insjikke. Dat kènne bieveurbeeld verhaole, gedichte, columns of leidtekste zeen (es ’t mer gein vastelaovesleidjes zeen), es ‘t thema mer ‘Vandaag d’n daag’ is en neit meer dan 600 weurd gebroek waere. Me kènt meerdere werke insjikke, mer per sjriever waere d’r maximaal twee werke in de bundel opgenómme. Waat betruf de sjpelling: veer gaon d’r van oet dat de sjrievers zich zoväöl muigelik hawte aan de Sjpelling 2003 veur de Limburgse dialecte.

De tekste kènne aangeleverd waere bie de secretaris van de Veldeke krènk Zitterd, Patrick Werdens, email: veldekezitterd@gmail.com