Sjtoumcursus Zittesj

Home / Jaorprogram / Sjtoumcursus Zittesj

’t Zittesj wurt dees daag door meer luuj gesjreve es dat vruiger ’t geval waar. Op Facebook en Twitter zuut me de sjoonste verhaole langs kómme.

Mer me zuut waal èns dat luuj twiefele wie ze ein woord mótte sjpelle. Hiebie wille veer uch helpe; en waal mit eine Sjtoumcursus Zittesj. Op ein leegdrempelige meneier oetlègke wie weurd in ’t Zittesj gesjreve mótte waere. Natuurlik conformeiere veer ós aan de Sjpelling 2003 veur de Limburgse Dialecten.

De Sjtoumcursus wurt op dónderdig 15 november 2018 óm 20.00 oere gegaeve in de baovekamer van café Schtad Zitterd op de Mert. Deilname is gratis, mer waal gaer vanteveure aanmelje i.v.m. de beperkte ruumte. De cursus wurt verzörg door oze secretaris Patrick Werdens.

 

Aanmelje kènt via: veldekezitterd@gmail.com ; mer bedènk vol=vol