Krismiddig 2017

Home / Veldeke Zitterd / Krismiddig 2017

Oze traditionele Krismiddig vindj dit jaor plaatsj op zóndig 10 december óm 14.30 oere. Ouch dit jaor wurt de middig gehawte in de Basiliek aan de Awwe Mert.

Ein grote versjeienheid aan artiste brink uch in ein sjuste krissjtömming. ’t Belaof ein aaneinsjakeling te waere van zank, meziek, proza en poëzie wo-in de neudige humor neit zal óntbraeke.

Op ’t program sjtaon ó.a. awd-Zitterder Chris Rutten dae kump vertèlle euver Krismes in de Walramsjtraot, de Marottekapel die zörg veur muzikale krisklanke en de Hofzengesj oet Euverhaove die sjfeervolle krisleidjes zulle zènge. Mer ouch de jeug óntbrik neit: de Voices of Kids brènge op geheel eige wies krisleidjes. Wiejer leet de Honorair Consul van Luxemburg, Fernand Jadoul, de aanwezige kènnis make mit Krismes in Luxemburg.

’t Belaof eine sjone middig te waere en wie-t geer van ós gewend zeet is de ganse middig in ’t dialec. De aanwezige die ’t eesjte kómme kènne keize oet de bèste plaatsje. Zeet dus oppe tied!

Optraeë Krismiddig

Geef een reactie

Het e-mailadres wordt niet gepubliceerd. Vereiste velden zijn gemarkeerd met *