Sjtoumcursus Zittesj 9 januari 2020

Op dónderdig 9 januari 2020 vindj óm 20.00 oere de Sjtoumcursus Zittesj plaatsj. Dit maol is d’r gekaoze veur ein thema en waal “Vastelaovend”.

Veer zeen dèkser dat luuj twiefele wie ein woord gesjpeld mót waere in ’t Zittesj. Zeker róndj de vastelaovend kriege veer hie doorgaons get meer vraoge euver. Veer wille uch es Veldeke Zitterd hie gaer bie helpe. Op ein leegdrempelige meneier wille veer uch oetlèk gaeve euver de sjpelling van ’t Zittesj en wie weurd in ’t Zittesj gesjreve mótte waere. Natuurlik conformeiere veer ós hiebie aan de Sjpelling 2003 veur de Limburgse Dialecte.

De Sjtoumcursus vindj plaatsj op dónderdig 9 januari 2020 óm 20.00 uur in de baovekamer van café Schtad Zitterd oppe Mert. Deilname is gratis, mer waal gaer veuraaf aanmelje i.v.m. de beperkte ruumte. De cursus wurt verzörg door oze secretaris Patrick Werdens.

Aanmelje veur de Sjtoumcursus kènt via: veldekezitterd@gmail.com

Gaer veur 7 januari reageiere; mer bedènk waal vol=vol

Geef een reactie

Het e-mailadres wordt niet gepubliceerd. Vereiste velden zijn gemarkeerd met *