Lidmaatsjap
Ein lidmaatsjap van Veldeke Zitterd kos €23,- per jaor. Hiemit sjteunt geer ós bie ós activiteite óm ’t sjpraeke, laeze en sjrieve van ’t Zittesj dialec te bevordere. Geer óntvank bie ein lidmaatsjap 2 maol per jaor ós periodiek Dao Wo Ich Gebaore Bèn, geer krieg veurrang bie de aankoup van ós publicaties en waert in de toekóms es eesjte op de heugte gesjtèld van ós evenemènte. Daonaeve zeet geer ouch automatisch lid van de euverkoepelende Vereiniging Veldeke Limburg. Van hun óntvank geer jeder jaor ’t jaorbouk en wiejer publicaties.
Vrundj
Vrundj waere van Veldeke Zitterd kènt ouch! Veur €15,- per kaor sjteunt geer ós en krieg geer van ós ’t zelfde es bie ein lidmaatsjap. Geer zeet dan allein gein lid van Veldeke Limburg en óntvank van hun dan ouch gein notificaties en/of publicaties.
Mer belangrieker nog; geer sjteunt mit eur lidmaatsjap of vundj zeen de initiatieve van Veldeke Zitterd óm ós dialek laevend te hawte.
Höb geer nog vraoge euver ’t lidmaatsjap of vrundj zeen, nump dan kóntak mit ós op via veldekezitterd@gmail.com. Höb geer geine email, kiek dan bie ós kóntakgegaeves ónger ’t köpke kóntak.