Zittesje Vlog#3: Interview mit burgemeister Cox

In de 3e Zittesje Vlog haet de 12 jäörige Nina Cals ein interview mit burgemeister Sjraar Cox van Zitterd-Gelaen. Klik op óngersjtaonde aafbeelding om de vlog te sjtarte.

Burgemeister Cox vertèlt in ’t interview euver zichzelf en waat hae allemaol deit es burgemeister van ós sjtad. Taeves leet hae ós ouch weite waat hae nao zien pensioneiering allemaole geit doon; ’t blieke nogal sjportieve oetdaginge te zeen! ‘t Dialec dreeg hae in jeder geval ein werm hart toe mer hae vindj ’t nog belangrieker luuj zich zowaal lètterlik es ouch figuurlik goud kènne en blieve versjtaon! Es aafsjloeting haet Nina burgemeister Cox getrakteierd op ein aantal Zittesje dilemma’s wo op hae sjtèlling haet mótte numme. Me kump in jeder geval ’t neudige euver burgemeister Cox te weite.

De opname en editing van de vlog ware in henj van de 15-jäörige Tom Werdens. Door de Zittesje Vlog in henj te lègke van de jeugd wille veer hun de kans gaeve óm op ein nujerwètse meneier mit ‘t dialec ómgang te gaon. Waat ós betuf gaon veer hie nog lang mit door.

De eesjte Zitttesje Vlog waar mit Miss Oktoberfees 2019 Yvette Verjans en de tweede Zittesje Vlog waar ein interview mit Sinterklaos!

Miss Oktoberfeest 2019 Yvette Verjans
Sinterklaos

Geef een reactie

Het e-mailadres wordt niet gepubliceerd. Vereiste velden zijn gemarkeerd met *