Groot Zittesj Dictee 21-11-2019

Op dónderdigaovend 21 november 2019 ware 23 luuj nao De Vief Heringe gekómme óm deil te numme aan ’t Groot Zittesj Dictee.

Zwentibolddichter John Hertogh haw de tekst van ’t dictee opgesjtèld en waar daoveur op zuik gegange nao weurd die al ein tiedje neit meer door de Zitterder gebroek woorte wie ‘hèlge’ en ‘awdvraensje’. Bie ‘t opsjrieve van ’t dictee moosjte de deilnummesj oetgaon van de eige kènnis en aafgaon op de klank van de weurd.

D’r woort dus goud geloesterd nao Fieny Cals, dat ‘t dictee veurdroug, óm vervolges te zjweite op de tekste, wobie natuurlik ouch nog èns goud raekening gehawte moosj waere mit ’t sjuste gebroek van accente en trema’s. In teen lang zinne noum John Hertogh de aanwezige deilnummesj mit nao eine daag oet ’t laeve van keuning Zwentibold.

Riny Muyres wón veur ’t tweede jaor op rie ’t Groot Zittesj Dictee mit de oetsjtaekende score van mer twee faeldesj. Bianca Kruitz woort tweede mit 9 faeldesj en Eddy Zeelen driede mit 11 faeldesj.

Geef een reactie

Het e-mailadres wordt niet gepubliceerd. Vereiste velden zijn gemarkeerd met *